Hoséa 6

Awit Panjenengané sing nyempal-nyempal,

lan sing bakal maraské kita;

Panjenengané sing nggebuki kita,

lan ya sing bakal mblebet kita uga.

₂Sakwisé rong dina kita bakal diuripké menèh,

ing dina kaping telu ditangèkké,

dadi kita bakal urip ing ngarepé.

₃Mulané hayuk pada kenalan

lan mbudidaya karo temen-temen

supaya manut karo GUSTI,

Panjenengané mesti bakal liwat kaya njedulé ésuk wétan;

kita bakal diparani tyarané kaya udan,

kaya udan ing pungkasané mangsa sing nelesi bumi.”

₄Hé, Efraim, apa sing bakal Tak tibakké marang kowé?

Hé Yéhuda, kowé bakal Tak kapakké?

Katrésnanmu kaya pedut ésuk,

kaya ebun sing ésuk mruput ilang.

₅Mulané wis pada Tak remuk lantaran para nabi

lan Tak patèni karo tembungé tutuk-Ku

lan paukuman-Ku sing bener semlorot kaya pepadang.

₆Awit sing Tak senengi kuwi katrésnan

duduk kurban sing dibelèh,

lan aluwung milih manut marang Gusti Allah

tenimbangané karo kurban obongan.

₇Nanging wong-wong kuwi wis nerak perjanjian kaya Adam,

ing kono enggoné goroh marang Aku.

₈Giléad kuwi kutané para tumindak ala,

kebak tilas-tilas getih.

₉Kumpulané para imam kuwi

kaya grombolan bégal sing ngadang memangsané,

pada matèni ing dalan sing nuju ing Sikem,

sejatiné, tumindak sing ala sing dilakoni.

₁₀Ing antarané turunané Israèl Aku ngerti pokal-gawé sing medèni;

ing kono Efraim pada laku bédang

lan Israèl wis najisaké awaké déwé.

₁₁Hé Yéhuda, uga kowé wis ditetepaké waktu panèn, paukumanmu:

Yèn kahanané umat-Ku wis Tak balèkké.