1Tembungé sing diomongké Yérémia marang Baruk anaké Neria, waktu Baruk ing taun kaping papaté jamané Yoyakim, anaké Yosia, ratu ing Yéhuda, wis nulisi kabèh tembungé ing kitab, ditampa sangka tutuké Yérémia: 2“Mengkéné tembungé GUSTI, Gusti Allahé Israèl kanggo kowé, hé Baruk! 3Awit kowé wis ngomong: Oh tyilaka aku, nanging GUSTI wis nambahi kasusahan marang sangsaraku! Aku nglokro awit sangka enggonku sambat-sambat lan aku ora olèh katentreman. 4Mengkéné tembungé GUSTI: apa sing Tak gawé, bakal Tak bubrah lan apa sing Tak tandur bakal Tak jeboli, malah senajan nganti sak ubengé negara! 5Kowé aja ngarah marang perkara sing muluk-muluk kanggo kowé déwé! aja kok gayuh! Awit, Aku nekakké tyilaka kanggo kabèh sing urip, - mengkono tembungé GUSTI—, nanging kowé kuwi bakal Tak wènèhi nyawamu kaya rayahan ing ngendi-endi panggonan sing bakal mbok parani.”
