Masmur 138

Panjenengan bakal kula puji karo sak kabèhé ati,

ing ngarepé para allah kula bakal ngidung masmur kanggo Panjenengan.

₂Kula bakal sujut madep griya-Mu sing sutyi,

lan memuji marang asma-Mu,

awit sangka kawelasan lan kasetian-Mu,

awit asma-Mu lan perjanjian-Mu, Panjenengan gawé ngluwihi samubarang.

₃Bareng kula sambat, Panjenengan terus nuruti kula,

Panjenengan nambahi kekuwatan ing ati kula.

₄Duh GUSTI, kabèh ratu ing bumi bakal pada ngluhurké Panjenengan,

awit pada ngrungokké janji sangka tembung Panjenengan;

₅pada bakal ngidungké dalan-dalané GUSTI,

awit gedé kamulyané GUSTI.

₆GUSTI kuwi luhur, nanging weruh marang wong asor,

lan sing gemunggung pada didelok sangka kadohan.

₇Yèn kula ing njeruhné kangèlan,

Panjenengan sing nguripké kula,

Panjenengan ngelungké tangan-Mu marang nesuné para mungsuh kula,

lan kula ditulungi karo tangan-Mu tengen.

₈GUSTI bakal ngrampungké samubarang kanggo kula!

Duh GUSTI, kawelasan-Mu kuwi langgeng tekan sak lawasé.

Panjenengan supaya aja nganti ninggalké penggawéané tangan-Mu.