Masmur 20

₂GUSTI supaya gelem nyauri marang sampéyan ing waktu kangèlan;

asmané Gusti Allahé Yakub supaya dadia bèntèng sampéyan.

₃GUSTI supaya ngirimké pitulungan sangka griya sutyi marang sampéyan,

lan nguwatké sampéyan sangka Sion.

₄Gusti Allah supaya gelem éling kabèh pisungsung kurban sampéyan,

lan gelem nampani kurban obongan sampéyan. Sela

₅Supaya sampéyan dikèki apa sing dikarepké,

lan supaya bisaa kedadian apa sing sampéyan rantyam.

₆Kita pada bakal surak-surak awit sangka kemenangan sampéyan,

lan masang gendéra awit sangka asmané Gusti Allah kita,

GUSTI supaya nuruti kabèh sak penjaluk sampéyan.

₇Saiki aku weruh yèn GUSTI ngekèki kemenangan marang sing dijebatani,

lan nyauri sangka swarga sing sutyi

karo kemenangan sing gedé karo tangan-Né tengen.

₈Wong kuwi pada nggunggung krétané lan wong kaé nggunggung jarané,

nanging kita pada nggunggung asmané GUSTI, Gusti Allah kita.

₉Wong kuwi pada ambruk, pada tiba,

nanging kita ijik ngadek jejek.

₁₀Duh GUSTI, Panjenengan supaya ngekèki kemenangan marang ratu!

Supaya gelem nyauri yèn kita nyeluk!