Masmur 51

₃Duh Gusti Allah, kula supaya Panjenengan melasi awit sangka kawelasan-Mu,

supaya gelem nglebur dosa kula awit sangka gedéné kawelasan-Mu.

₄Supaya kula, Panjenengan resiki sangka sak okèhé kesalahanku kabèh,

lan dosa kula supaya Panjenengan resiki.

₅Awit kula ngrumangsani panerak kula,

lan dosa kula tansah ing ngarep kula.

₆Kula nggawé dosa marang Panjenengan, ya mung marang Panjenengan piyambak,

lan nandangi sing Panjenengan sawang ala.

Supaya kétok yèn putusan Panjenengan kuwi adil,

lan tyara enggèn Panjenengan ngadili kuwi resik.

₇Pantyèn tenan, enggèn kula dilairké kuwi ngalami duraka,

lan ibu kula meteng kula ing njeruhné dosa.

₈Pantyèn tenan, Panjenengan kuwi seneng marang kabeneran, sing jeru ing njeruhné ati,

lan ing njeruhné nyawaku, Panjenengan ngekèki kawityaksanan marang kula.

₉Dosa kula supaya Panjenengan ilangi karo hisop, nganti kula dadi resik,

kula, Panjenengan adusi nganti dadi putih, ngungkuli salju!

₁₀Kula bèn krungu kebungahan lan kesenengan,

lan balung sing wis Panjenengan remuk, bisaa surak-surak malih!

₁₁Panjenengan supaya gelem ngaling-alingi praupan Panjenengan, aja nganti weruh dosa kula,

lan kesalahan kula supaya Panjenengan lebur kabèh.

₁₂Duh Gusti Allah, Panjenengan supaya gelem nggawé resiké ati kula,

lan batin kula supaya Panjenengan anyaraké karo roh sing kuwat.

₁₃Kula supaya aja nganti Panjenengan buwang sangka ngarepé Panjenengan,

lan Roh Panjenengan sing sutyi aja nganti dijikuk sangka kula.

₁₄Panjenengan supaya gelem nggugah kebungahan kula menèh, awit sangka keslametan sing sangka Panjenengan,

lan kula Panjenengan tyukupi karo roh sing éklas!

₁₅Banjur kula bakal mulangké dalan Panjenengan marang para wong sing mlakuné nyasar,

supaya wong dosa pada mratobat marang Panjenengan.

₁₆Duh Gusti Allah, Gusti Allahé keslametan kula,

Panjenengan supaya gelem ngutyuli kula sangka enggèn kula utang getih,

nganti ilat kula bakal surak-surak ngabaraké keadilan Panjenengan.

₁₇Duh, Gusti supaya gelem mbukak lambé kula,

supaya tutuk kula ngabaraké kidung pamuji marang Panjenengan!

₁₈Awit Panjenengan ora ngarepké njupuk kurban sing dibelèh,

kurban obongan Panjenengan ya ora gelem.

₁₉Kurban sing dibelèh sing ditampa karo Gusti Allah, kuwi nyawa sing remuk; ati sing semplak lan remuk,

kuwi Panjenengan ora anggep asor, duh Gusti Allah!

₂₀Panjenengan supaya gelem nindakké sing betyik marang Sion miturut éklasé ati-Mu,

lan gelem mbangun témboké Yérusalèm!

₂₁Panjenengan banjur bakal gelem nampani kurban sing bener,

kurban obongan lan kurban sak kabèhé,

sapi lanang terus bakal dikurbanaké ing mesbèh-Mu.