Luke 3

_1-215 pe kilichimochi iwechippù màlà Tiberius Caesar wechi itepulu pe yattai, Pontius Pilate wechippù Judea po kopùna pe. Herod wechippù Galilee yepulu pe, molopai yakon Philip wechippù Itturea molopai Trachonitis yawolon kon pata yepulu pe. Molopai Lysanias wechippù Abilene yepulu pe, Annas molopai Caiaphas wechippù Eke ton paatele yamùk yepulu pe. Màlà yattai Katù Maimu uyàpùppù John, Zachariah mumu piyak, wontaik yau. ₃John utàppù màlà tamù'nawàlà pata Jordan polon kon yawàlà. “Eyeselu kon imyakanmatàkon, amakuyi kon winàpai elattàtàk Katù winàkàik, esenpataukatàk kon. Molopai Katù usentuppa màlà amakuyi kon pàk,” teppù ya. ₄Katù Maimu yekamanài, Isaiah, uya imenukasak tùkaletayi yau kasa,

₇Tukkan kon kappon yamùk uyàpùppù màlà John piyak tenpataukatok kon pe ya. “Àkài yamùk! Ànùk ken Katù we'naikatok iyàpù winàkàik nai'nùk winàpai ewepe kon pa nekamatai?” teppù ya tok pàk. ₈“Amakuyi kon winàpai ewelattàsak kon yekama nài ikuttàk kon. Molopai, ‘Abraham mùkkàlà ina kàipùnù,’ kùkatàu eyiwalà'nokon. Yekama uya sàlà àpàkù'nokon, Katù uya màlà sà tàk yamùk yapai Abraham munkà koneka! ₉Wakka wekonekasak man yei pùlakun yamùk pàk yattà toppe tùuya. Tamù'nawàlà wakù pe tùwepetasan pen, yattà màlà yenu'ma toppe apok yak, iyatoppe,” tukaik.

₁₀Kappon yamùk uya yekamappoppù, “Yà'là kupù ken uchi ina uya?” tukaik. ₁₁Yeikupù ya, “Ànù'là asa'lon ipon uya màlà yakon tùlù ipon pùn yemyak, molopai ànù'là teipa kenan uya màlà iteipa pùn lepa,” tukaik. ₁₂Pùlayatta pili'nài nan tonpa yamùk uyàpùppù esenpataukaik, molopai yekamappoppù tok uya, “Enupanài, yà'là kupù ina uya?” tukaik. ₁₃“Ipilittok auya'nokon yentai pùlayatta kùpilittàu,” teppù ya tok pàk. ₁₄Soicha tonpa yamùk uya nàlà yekamappoppù, “Ina nen? Yà'là kupù nen ina uya?” tukaik. Tok pàk, “Ànù'là winàpai pùlayatta kùsekkwattàu teka'nonkaik wapùla kasei pe tùwesse, eye'matok pàk tenki kakkà,” teppù John uya.

₁₅Kappon yamùk wettok enpen wenappù eke pe molopai tok usenumenkappù John pàk. “Christ ken na' pùsàlà?” tukaik. ₁₆Màlàpàk John uya tamù'nawàlà tok pàk, “Eyenpataukanài'nokon Iulà tuna ke, tùse mùkkàlà uyentai nai'nùk nùyàssan. Wakù pe ma'le wessaik italumayippù pe, ichapatuyi yewa yeukanài yek pe pùla. Mùkkàlà uya eyenpatauka kon màlà Wakù Akkwalù ke molopai apok ke. ₁₇Iyàpù màlà tùwekonekaik àlichi walai pantakase ipippà winàpai. Molopai yeppatok tùuya yapai àli yakolokase. Àlichi walai pilipù ya màlà kùyali yùwùk tak. Tùse ipippà pottà ya màlà tùusà'nùssen apok pen ke!” teppù.

₁₈Tukke tùpatalà'ne John uya kappon yamùk panamappù màlà, Wakù Itekale yekamappù ya tok pàk. ₁₉Tùse John uselupappù màlà Herod winàkàik, masapùla takon noppù Herodias mali'masak ya pàk, molopai nàlà tukke àli ton kussak ya pàk. ₂₀Màlàyau Herod uya màlà yentak àli kupùppù, John tùlù tùuya patikichi tak winà.

₂₁Tamù'nawàlà kappon yamùk usenpatauka tùpo Jesus usenpataukappù nàlà. Jesus wàpùlema tùse kak utakkokappù màlà. ₂₂Molopai Wakù Akkwalù uttàppù ipona wakokkwa kasa, molopai mayin uyàpùppù epùn poi, “Àmàlà mùkkàlà Umu kulu. Uyewan yailon Uyauchinpanài,” tukaik.

₂₃Tùwotokoyi piyattà tùuya yau, Jesus wechippù màlà 30 kaichalà ikilichimochiyi. Joseph, Heli mumu, mumu pe kappon yamùk uya yekamappù. ₂₄Heli mùkkàlà Matthat mumu lùppù. Matthat mùkkàlà Levi mumu lùppù. Levi mùkkàlà Melchi mumu lùppù. Melchi mùkkàlà Jannai mumu lùppù. Jannai mùkkàlà Joseph mumu lùppù. ₂₅Joseph mùkkàlà Mattathias mumu lùppù. Mattathias mùkkàlà Amos mumu lùppù. Amos mùkkàlà Nahum mumu lùppù. Nahum mùkkàlà Esli mumu lùppù. Esli mùkkàlà Naggai mumu lùppù. ₂₆Naggai mùkkàlà Maath mumu lùppù. Maath mùkkàlà Mattathias mumu lùppù. Mattathias mùkkàlà Semei mumu lùppù. Semein mùkkàlà Josech mumu lùppù. Joseph mùkkàlà Joda mumu lùppù. ₂₇Joda mùkkàlà Joanan mumu lùppù. Joanan mùkkàlà Rhesa mumu lùppù. Rhesa mùkkàlà Zerubbabel mumu lùppù. Zerubbabel mùkkàlà Shealtiel mumu lùppù. Shealtiel mùkkàlà Neri mumu lùppù. ₂₈Neri mùkkàlà Melchi mumu lùppù. Melchi mùkkàlà Addi mumu lùppù. Addi mùkkàlà Cosam mumu lùppù. Cosam mùkkàlà Elmadam mumu lùppù. Elmadam mùkkàlà Er mumu lùppù. ₂₉Er mùkkàlà Joshua mumu lùppù. Joshua mùkkàlà Eliezer mumu lùppù. Eliezer mùkkàlà Jorim mumu lùppù. Jorim mùkkàlà Matthat mumu lùppù. Matthat mùkkàlà Levi mumu lùppù. ₃₀Levi mùkkàlà Simeon mumu lùppù. Simeon mùkkàlà Judah mumu lùppù. Judah mùkkàlà Joseph mumu lùppù. Joseph mùkkàlà Jonam mumu lùppù. Jonam mùkkàlà Eliakim mumu lùppù. ₃₁Eliakim mùkkàlà Melea mumu lùppù. Melea mùkkàlà Mennan mumu lùppù. Menan mùkkàlà Mattatha mumu lùppù. Mattatha mùkkàlà Nathan mumu lùppù. Nathan mùkkàlà David mumu lùppù. ₃₂David mùkkàlà Jesse mumu lùppù. Jesse mùkkàlà Obed mumu lùppù. Obed mùkkàlà Boaz mumu lùppù. Boaz mùkkàlà Salmon mumu lùppù. Salmon mùkkàlà Nahshon mumu lùppù. ₃₃Nahshon mùkkàlà Amminadab mumu lùppù. Amminadab mùkkàlà Admin mumu lùppù. Admin mùkkàlà Arni mumu lùppù. Arni mùkkàlà Hezron mumu lùppù. Hezron mùkkàlà Perez mumu lùppù. Perez mùkkàlà Judah mumu lùppù. ₃₄Judah mùkkàlà Jacob mumu lùppù. Jacob mùkkàlà Isaac mumu lùppù. Isaac mùkkàlà Abraham mumu lùppù. Abraham mùkkàlà Terah mumu lùppù. Terah mùkkàlà Nahor mumu lùppù. ₃₅Nahor mùkkàlà Serug mumu lùppù. Serug mùkkàlà Reu mumu lùppù. Reu mùkkàlà Peleg mumu lùppù. Peleg mùkkàlà Eber mumu lùppù. Eber mùkkàlà Shelah mumu lùppù. ₃₆Shelah mùkkàlà Cainan mumu lùppù. Cainan mùkkàlà Arphaxad mumu lùppù. Arphaxad mùkkàlà Shem mumu lupu. Shem mùkkàlà Noah mumu lùppù. Noah mùkkàlà Lamech mumu lùppù. ₃₇Lamech mùkkàlà Methuselah mumu lùppù. Methuselah mùkkàlà Enoch mumu lùppù. Enoch mùkkàlà Jared mumu lùppù. Jared mùkkàlà Mahalaleel mumu lùppù. Mahalaleel mùkkàlà Cainan mumu lùppù. ₃₈Cainan mùkkàlà Enos mumu lùppù. Enos mùkkàlà Seth mumu lùppù. Seth mùkkàlà Adam mumu lùppù Adam mùkkàlà Katù nùkonekappù lùppù.