Psalm 120

Mi kari MASRA na ini mi nowtu

èn A piki mi.

₂MASRA, ferlusu mi fu den sma di e lei gi mi,

fu den bedrigiman.

₃Un bedrigiman, san un prakseri taki Gado o du nanga unu?

Fa un prakseri taki A o strafu unu?

₄A o sutu srapu peiri fu wan dyadya fetiman kon na un tapu,

bron A o bron unu nanga krofaya.

₅Sari fu mi, taki mi mus tan na ini Mesek,

taki mi mus libi mindri den sma fu Kedar.

₆Mi e libi tumsi langa kba

na mindri sma di no lobi freide.

₇Te mi taigi den fu libi ini freide,

den e wani feti.