Gado de nanga wi
1Gi a tiriman fu a singigrupu fu a tempel. Fu den Korakitisma. A mus singi a srefi fasi leki: Den yongu uma. Wan Singi.
2Gado na wi kibripresi,
na En e gi un krakti tu,
A de krosbei fu yepi wi te wi de na ini benawtu.
3Dat' meki un no e frede,
awinsi grontapu e seki,
awinsi bergi e broko fadon ini a moro dipi pisi fu a se.
4Awinsi den se e rigeri,
awinsi den e kuku skuma,
awinsi bergi e seki fu a rigeri di den skwala e rigeri. sela
5Wan liba e lon ini a foto fu Gado,
a e tyari prisiri gi den sma fu a foto,
a santa oso fu a Moro Hei Gado.
6Fu di Gado de na ini,
no wan sma o man kon teki a foto abra.
Gado e tyari yepi kon gi den fosi a son opo.
7Folku e bruya, kondre e seki.
Te A e opo En sten,
a gersi leki na kba grontapu e kba.
8MASRA fu ala sani de nanga wi,
a Gado fu Yakob na wi tranga kibripresi. sela
9Un kon luku den sani di MASRA e du,
bigi sani A e du na grontapu:
10A e tyari wan kba kon na bigi feti alasei fu grontapu,
A e broko bo, A e naki lansri broko,
A e bron fetiwagi.
11“Un tapu a feti èn un taki tak' Mi na Gado,
na Mi e tiri den folku,
na Mi e tiri grontapu.”
12MASRA fu ala sani de nanga wi,
a Gado fu Yakob na wi tranga kibripresi. sela
