Gado na a winiman
1Gi a tiriman fu a singigrupu fu a tempel. A psalm disi mus singi nanga instrumenti di abi snaar. Wan psalm fu Asaf. Wan Singi.
2Den sma fu Yuda sabi Gado,
a abi wan bigi nen ini Israel.
3Bika na ini Salem a tenti fu En de,
na tapu Sionbergi A e libi.
4Na drape A ben broko den faya peiri nanga den bo,
den schild, den deigri nanga ala tra fetisani. sela
5Yu e brenki, Yu bigi,
Di Yu saka kmopo fu a bergi pe Yu fon den feyanti fu Yu.
6Den dyadya fetiman fu den lasi ala den fetisani,
den dede gwe,
no wan fu den ben abi krakti fu du wan sani.
7Gado fu Yakob, di Yu bari den
den man di e tyari den asi nanga den asi dede gwe.
8Ala sma mus lespeki Yu
suma man tan na libi
te Yu e lusu a atibron fu Yu?
9Fu heimel Yu leisi strafu,
grontapu e frede, den tan tiri.
10Dan Gado opo tnapu fu krutu,
fu ferlusu ala den sma di trawan e si fu noti. sela
11Den sma di ben opo ini atibron gi Yu,
o meki Yu kisi moro grani,
èn den wan nanga atibron di kmopo libilibi ini a bigi feti,
o anbegi Yu.
12Un du den sani di un ben pramisi MASRA, un Gado.
Un alamala di lontu En,
un tyari un presenti gi a Wan di fiti fu kisi lespeki.
13A e broko tiriman saka,
A e meki kownu na grontapu frede gi En.
