31 oktober - Psalm 119:137-144

₁₃₇MASRA, Yu e du sani na tapu wan leti fasi,

den sani fu Yu bun

na san wi mus tan hori wisrefi.

₁₃₈Den sani fu Yu di Yu gi wi fu memre

tru èn den de fu fertrow.

₁₃₉Mi e kuku fu atibron,

bika den feyanti fu mi fergiti den wortu fu Yu.

₁₄₀Yu wortu tru dorodoro,

no wan fowtu no de na ini,

Yu knekti lobi a wortu fu Yu.

₁₄₁Mi no prenspari èn mi no de na teri,

ma mi no e fergiti den komanderi fu Yu.

₁₄₂A du san Yu e du sani nanga leti de fu têgo,

a wèt fu Yu tru.

₁₄₃Te mi de ini nowtu nanga benawtu,

den gebod fu Yu e gi mi prisiri.

₁₄₄Den sani fu Yu di wi mus memre

bun fu têgo,

gi mi ferstan fu mi kan tan na libi.