Surinaams Bijbelgenootschap

Advent 4 - God met ons!

Bijbeltekst(en)

Fa Yesus kon gebore

18Na so Yesus Kristus kon gebore. Maria, a m'ma fu Yesus, ben de fu trow nanga Yosef. Ma fosi den go libi makandra, Maria ben hori bere. Ma na a Santa Yeye ben meki dati psa. 19Dan fu di Yosef ben de wan bun sma, a ben wani kibri Maria fu a syen di a ben o kisi te sma ben o yere a sani disi. Fu dat'ede a ben wani prati nanga en na wan safri fasi. 20Ma di Yosef prakseri a sani dati, ne wan engel fu Masra sori ensrefi na en ini wan dren. A engel taigi en taki: “Yosef, bakapikin fu David, yu no abi fu frede fu teki Maria leki yu wefi. Bika na a Santa Yeye meki taki a de nanga bere. 21A sa kisi wan manpikin, di yu mus kari Yesus. Bika na En sa ferlusu En pipel fu den sondu.” 22Ala den sani disi psa, fu meki a sani san Masra ben meki a profeiti taki kon tru. A ben taki: 23“Luku, a yongu uma di noiti no sribi nanga wan man ete, sa kisi bere. A sa kisi wan manpikin, di den sa kari Emanuel.” Emanuel wani taki: Gado de nanga wi. 24Di Yosef wiki, a du san a engel fu Masra taigi en, a trow nanga Maria. 25Ma a no sribi nanga en leki man nanga uma te leki Maria kisi a boi. Di A gebore Yosef kari En Yesus.

Mateus 1:18-25STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.19.0
Volg ons