1Un sa tak' a ten dati taki:
“Mi e prijse Yu MASRA,
Yu ati ben bron srefsrefi na mi tapu,
ma a atibron fu Yu saka èn Yu e trowstu mi.
2Yere, Gado na a wan di e ferlusu mi,
mi e fertrow èn mi no e frede,
bika na MASRA MASRA na mi krakti nanga mi singi,
na En tyari ferlusu gi mi.”
3Nanga bigi prisiri un o peti watra
fu a peti fu ferlusu.
4Un sa tak' a ten dati taki:
“Prijse MASRA! Kari a nen fu En!
Ferteri den tra folku den sani di A e du,
taigi den tak' a nen fu En hei!
5Singi gi MASRA,
bika A du bigi sani.
meki heri grontapu kisi dati fu yere!
6Sma fu Sion, un bari èn singi fu prisiri,
bika a Santa Wan fu Israel
di e libi na un mindri, bigi.”
