12So mi lobiwan, soleki fa un ben gi yesi ala ten di mi ben de nanga unu, un mus du dati moro ete now di mi no de na unu. Gado ferlusu unu, èn nanga bigi lespeki nanga sakafasi un mus sorgu taki a sani disi de fu si ini un libi.13Bika na Gado e wroko na ini unu. Èn na En e gi unu a wani nanga a krakti fu du den sani san e gi En prisiri. 14Un mus du ala sani sondro fu knoru noso fu hari taki. 15Na so un o de sondro fowtu èn sondro flaka. Un o de pikin fu Gado tapu san sma no o man sori finga. Un o brenki leki den stari fu heimel na mindri den sma di kruktu èn di abi wan takru ati. 16Un mus tan hori unsrefi na a boskopu san e gi libi. Dan tapu a dei fu Kristus, mi srefi sa man meki bigi taki a muiti nanga a wroko fu mi no ben de fu soso. 17A bribi fu unu de leki wan ofrandi, wan sani nanga san un e dini Masra. Awinsi mi mus gi mi brudu leki wan pisi fu a ofrandi dati, mi breiti èn mi e prisiri makandra nanga un alamala. 18Unu mus breiti tu, èn un mus prisiri makandra nanga mi.
