1 Lelakoné Kraton 2

₁Iki para anaké Israèl: Rubèn, Siméon, Lèwi, Yéhuda, Isakar, Sébulon, ₂Dan, Yosèf, Bényamin, Naftali, Gad lan Asyèra.

₃Para anaké Yéhuda ya kuwi Er, Onan lan Sela, dadiné telu, kuwi lair sangka anaké wadon Syua, wong Kanaan. Nanging Er, anaké Yéhuda sing mbarep, kuwi ora apik ing ngarepé GUSTI, mulané terus dipatèni karo GUSTI ₄Tamar, mantuné Yéhuda, nduwé anak Pèrès lan Sérak. Dadiné anaké Yéhuda kuwi kabèh ana lima.

₅Para anaké Pèrès ya kuwi Hèsron lan Hamul. ₆Para anaké Sérah ya kuwi Simri, Etan, Héman, Kalkol lan Dara, kabèh lima. ₇Turunané Karmi ya kuwi Akar, sing nggawé tyilakané wong Israèl, awit ora netepi marang préntah ing bab barang-barang sing didèwèkké kanggo Gusti. ₈Turunané Etan ya kuwi Asarya. ₉Para anaké Hèsron ya kuwi Yerakméél, Ram lan Kelubai. ₁₀Ram nduwé anak Aminadab, lan Aminadab nduwé anak Nahason, penggedéné turunané Yéhuda. ₁₁Nahason nduwé anak Salma lan Salma nduwé anak Boas. ₁₂Boas nduwé anak Obèd lan Obèd nduwé anak Isai. ₁₃Isai nduwé anak Eliab, kuwi mbarepé, terus Aminadab, sing nomer loro, Siméa, sing nomer telu, ₁₄Nétanéèl, sing nomer papat, Radai sing nomer lima. ₁₅Osem, sing nomer nem, terus Daved, anak sing nomer pitu. ₁₆Nanging para seduluré wadon ya kuwi Seruya lan Abigail. Para anaké Seruya ya kuwi Abisai, Yoab lan Asaèl, dadiné telu. ₁₇Abigail nduwé anak Amasa, nanging bapaké Amasa kuwi Yètèr, wong Ismaél.

₁₈Kalèb anaké Hèsron nduwé anak Yeriot, turunané karo Asuba, bojoné; nanging para anaké wadon ya kuwi Yesyer, Sobab lan Ardon. ₁₉Kadung Asuba wis ninggal ndonya, kalèb rabi karo Efrat terus nduwé anak Hur. ₂₀Hur nduwé anak Uri, lan Uri nduwé anak Bésaleèl.

₂₁Sakwisé mengkono Hèsron rabi karo anaké wadon Makir, bapaké Giléad. Nalika rabi karo wong wadon kuwi, dèkné wis umuré suwidak taun. Kuwi terus nduwé anak Segub. ₂₂Segub nduwé anak Yair, sing nduwèni désa telulikur ing negara Giléad. ₂₃Nanging Hawot-Yair terus direbut karo Gesur lan Aram, semono uga Kenat lan désa-désané sing klebu ing pangwasané, ana désa suwidak. Kuwi kabèh para turunané Makir, bapaké Giléad. ₂₄Sakwisé Hèsron ninggal ndonya, Kalèb terus rabi Karo Efrata - bojoné Hèsron - Efrata kuwi terus nduwé anak Asyur, bapaké Tékoa.

₂₅Para anaké Yerakméél, anaké mbarep Hèsron, ya kuwi Ram, wong iki sing mbarep, terus Buna, Oren, Osem lan Ahia. ₂₆Nanging Yerakméél nduwé bojo liyané sing asmané Atara, kuwi nduwé anak Oman. ₂₇Para anaké Ram, anaké mbarep Yerakméél, ya kuwi Maas, Yamin lan Eker. ₂₈Para anaké Oman ya kuwi Samai lan Yada, lan Samai nduwé anak Nadab lan Abisur. ₂₉Bojoné Abisur asmané Abigail, sing nduwé anak Akban lan Molid. ₃₀Para anaké Nadab ya kuwi Saled lan Apaim; Saled ninggal ndonya ora nduwé anak. ₃₁Apaim nduwé anak Yesei, lan Yesei nduwé anak Sesan, lan Sesan nduwé anak Aklai. ₃₂Yada, adiké Samai nduwé anak Yètèr lan Yonatan. Yètèr ninggal ndonya ora nduwé anak. ₃₃Para anaké Yonatan ya kuwi Pelet lan Sasa. Kuwi para turunané Yerakméél.

₃₄Anaké Sesan ora ana sing lanang, kabèh wadon, nanging Sesan nduwé abdi lanang, wong Egipte, jenengé Yarha. ₃₅Sesan terus ngekèkké anaké marang Yarha, abdiné mau, dadi bojoné, kuwi terus nduwé anak Atai. ₃₆Atai nduwé anak Natan, lan Natan nduwé anak Sabad. ₃₇Sabad nduwé anak Eplal lan Eplal nduwé anak Obèd. ₃₈Obèd nduwé anak Yéhu, lan Yéhu nduwé anak Asarya ₃₉Asarya nduwé anak Heles, lan Heles nduwé anak Elasa. ₄₀Elasa nduwé anak Sismai, lan Sismai nduwé anak Salum. ₄₁Salum nduwé anak Yekamya lan Yekamya nduwé anak Elisama.

₄₂Para turunané Kalèb, adiké Yerakméél, ya kuwi Mesa, mbarepé, bapaké Sif, lan para anaké Maresa, bapaké Hébron. ₄₃Para anaké Hébron ya kuwi Korah, Tapuah, Rekem, lan Sema. ₄₄Sema nduwé anak Raham, bapaké Yorkeam, lan Rekem nduwé anak Samai. ₄₅Anaké Samai ya kuwi Maon, lan Maon kuwi nduwé anak Bèt-Sur. ₄₆Efa, bojoné wayuh Kalèb, nduwé anak Haran, Mosa lan Gases; Haran nduwé anak Gases. ₄₇Para anaké Yohdai ya kuwi Regem, Yotam, Gesan, Pelet, Efa lan Saaf. ₄₈Maaka, bojoné wayuh Kalèb, nduwé anak Seber lan Tirhana. ₄₉Maaka uga nduwé anak Saaf, bapaké Madmana lan Sewa, bapaké Makbena lan bapaké Gibéa. Anaké Kalèb sing wadon asmané Aksa. ₅₀Kuwi kabèh turunané Kalèb.

Para anaké Hur, anak mbarepé Efrata, ya kuwi Sobal, bapaké Kiryat-Yearim, ₅₁Salma, bapaké Bètléhèm lan Haref, bapaké Bèt-Gader. ₅₂Turunané Sobal, bapaké Kiryat-Yearim, ya kuwi Haroé lan separoné wong Menukot. ₅₃Nanging sing ijik turunané Kiryat-Yearim ya kuwi wong Yetri, wong Puti, wong Sumati lan wong Misrai lan iya sangka kuwi asal-usulé wong Sora lan wong Esytaol. ₅₄Turunané Salma ya kuwi Bètléhèm, wong Nepota, Atarot-Bet-Yoab lan separoné wong Manakti ya kuwi wong Sori. ₅₅Lan turunané kuwi para wong pinter nulis sing pada manggon ing Yabes, ya kuwi wong Tirati, wong Simati lan wong Sukhati. Kuwi kabèh wong Kèni turunané Hamat, leluhuré turunané Rekab.