1Aku terus digawa ing sak njeruhné kamar gedé ing griya sutyi kono lan Panjenengané ngukur tyagaké témboké: kandelé ing sisih kéné enem éluh, ing sisih kana uga enem éluh. 2Ambané lawangé sepuluh éluh lan ambané témbok sandingé ing sisih kéné limang éluh, ing sisih kana uga limang éluh. Dawané kamar gedé ya diukur; patang puluh éluh, nanging ambané rong puluh éluh. 3Panjenengané terus mlebu ing kamar njeruh. Tyagaké témboké terus diukur: kandelé rong éluh, nanging ambané lawangé déwé: enem éluh, lan témbok ing sandingé ing sisih kéné pitung éluh, ing sisih kana pitung éluh. 4Terus ngukur kamar njeruh mau, dawané rong puluh éluh, ambané rong puluh éluh pada karo ambané kamar gedé. Aku terus diomongi mengkéné: “Iki panggonan Mahasutyi.”
5Panjenengané terus ngukur témbok ing griya sutyi kuwi: kandelé enem éluh lan ambané kamar tambahan sing ketemu ing sak ubengé griya sutyi mau, patang éluh. 6Kamar-kamar tambahan iki susun telu lan saben larik kamaré telung puluh. Ing sak ubengé griya sutyi témboké ana balok-baloké sing diedeki kamar-kamar tambahan mau, supaya pada dadi kuwat, awit kamar-kamar mau ora digandèngké karo témboké griya sutyi. 7Sak terusé kamar-kamar tambahan mau wiwit ing larikan ngisor nganti larikan sing kaping telu, mundak gedé mundak gedé, tyotyok karo balok-baloké sing munggah ya mundak amba ing larikan ing nduwur ngliwati larikan tengah. 8Ing sak weruhku dasaré griya sutyi luwih duwur tenimbangané ing sak ubengé. Dasaré kamar-kamar tambahan kuwi ukurané sak teken tyotyok, dadi duwuré enem éluh. 9Kamar tambahan kuwi témboké sing njaba kandelé limang éluh, pérangané dasaré griya sutyi sing ora ana apa-apané kuwi ambané limang éluh. Ing antarané dasaré gedong-gedong lan 10kamar-kamar leté rong puluh éluh, kuwi ing sak ubengé griya sutyi kabèh. 11Lan lawang-lawang ing kamar tambahan, sing metuné tekan pérangan sing ora kanggo apa-apa, siji ing sisih kidul. Nanging ambané panggonan sing ora kanggo apa-apa kuwi limang éluh mubeng.
12Gedong ing plataran tutupan ing sisih kulon ambané pitung puluh éluh, nanging témboké mubeng kandelé limang éluh lan dawané sangang puluh éluh.
13Piyambaké terus ngukur griya sutyi mau: dawané 100 éluh, nanging plataran tutupan karo gedongé lan témboké uga 100 éluh; 14mengkono uga ambané sisih ngarep griya sutyi karo plataran tutupan ing sisih wétan ya 100 éluh. 15Sakwisé mengkono Piyambaké terus ngukur dawané gedong ing plataran tutupan ing sisih kulon karo èmpèr-èmpèré ing sisih kiwa-tengené, kuwi ana 100 éluh.
Kamar-kamar gedé, kamar njeruh lan pendapané 16ketutupan karo kayu lan ing sak ubengé kamar telu kuwi ana tyendéla-tyendélané sing karo geber, èmpèré uga ana. Ing ngarepé undak-undakané griya sutyi kuwi kabèh ketutupan kayu wiwit ing jogané nganti tekan tyendéla-tyendélané. - Tyendéla-tyendélané kuwi pada ketutupan - 17Malah nganti tekan sak nduwuré lawang lan kamar njeruh lan uga ing njaba. Témboké pérangan njeruh lan pérangan njaba kabèh 18digambari karo gambar-gambaré kerup lan wit kurma ukir-ukiran, ing antarané kerup loro wité kurma sak uwit, lan kerup kuwi praupané loro, 19sing siji rupa praupan manungsa, sijiné praupané singa sing madep marang wit kurma; kaya mengkono kuwi enggoné griya sutyi mau digawé. 20Wiwit ing jogané nganti tekan sak nduwuré lawang témboké digambari karo kerup lan wit kurma ukir-ukiran.
21Tyagak-tyagaké lawangé kamar-kamar gedé pesagi. Lan ing ngarepé panggonan Sutyi kétok ana rupané sing kaya mesbèh kayu, 22duwuré telung éluh, dawané rong éluh; pojok-pojoké lan dasaré lan gedèk-gedèkké sing digawé kayu. Piyambaké terus ngomong marang aku: “Iki méja ing ngarepé GUSTI.”
23Kamar-kamar gedé kuwi lawangé loro lan panggonan Mahasutyi 24lawangé uga loro: Ing lawang-lawang kono ana lawang-lawangé loro sing bisa mubeng; loro ing lawang sing siji lan loro ing lawang sijiné. 25Lawang-lawang iki, ya kuwi lawang-lawangé kamar-kamar gedé, digambari karo kerup lan wit kurma ukir-ukiran kaya témbok-témboké. Ing ngarepé griya sutyi mau, ya kuwi ing njaba ana undak-undakané kayu. 26Ing témbok sisih kiwa-tengené pendapa ana tyendéla-tyendélané sing karo geber lan wit kurma ukir-ukiran.
