Masra fiti fu kisi grani
1Haleluya! Mi sa prijse MASRA nanga mi heri ati,
prijse En makandra nanga den sma di e libi leki fa a fiti.
2MASRA e du bigi wroko,
den sma di abi prisiri nanga den, e ondrosuku den.
3Den sani di A e du e sori a grani nanga a glori fu En,
A du di A e du sani na tapu wan leti fasi na fu têgo.
4A poti wan dei pe a pipel mus memre den wondru fu En,
MASRA abi bun-ati èn A sori sari-ati.
5A gi nyanyan na den sma di e lespeki En,
A memre a ferbontu fu En fu têgo.
6A sori a pipel fu En a bigi krakti fu En,
èn A gi den a kondre fu den tra folku.
7Den sani di A e du na tru sani èn den fiti fu du,
ala den komanderi fu En de fu fertrow,
8den o tan fu têgo èn ala ten.
A meki den tapu wan tru fasi fu sori taki A de fu fertrow.
9A tyari ferlusu gi a pipel fu En,
a ferbontu di A meki na fu têgo,
a nen fu En santa èn a fiti fu kisi lespeki.
10Lespeki gi MASRA na a fundamenti fu koni,
ala sma di e du san a e taki abi wan krin ferstan.
A grani fu En na fu têgo!
