1Di Israel ben e kmoto na Egipte,
di den bakapikin fu Yakob ben e kmoto ini a kondre
fu a folku di ben e taki wan tra tongo,
2Yuda tron a santa presi fu Gado,
Israel a kondre fu En.
3A se si dati èn a prati es'esi na tu,
a Yordanliba hari go nanga baka.
4Den bergi dyompo leki man skapu,
den pikin bergi leki yongu skapu.
5Se, fu sanede yu prati yusrefi na tu?
Yordanliba, fu sanede yu hari go nanga baka?
6Bergi, fu sanede un dyompo leki man skapu?
Pikin bergi, fu sanede un dyompo leki yongu skapu?
7“Grontapu, beifi te Masra e sori Ensrefi,
beifi te a Gado fu Yakob e sori Ensrefi.
8Na En meki a bergiston puru watra,
Na En meki watra lon kmoto fu bun tranga ston.”
Uw browser ondersteunt geen HTML5 audio.