Psalm 2

₁Fu sanede den folku e meki opruru?

Fu sanede den e sidon e prakseri sani di no abi no wan warti?

₂Den kownu fu grontapu e meki densrefi klari fu feti,

tiriman e span anu fu feti nanga MASRA,

nanga a kownu di A salfu.

₃Den e taki:

“Meki un koti den titei fu den,

meki un puru den keti fu den na un neki!”

₄A Wan di sidon tapu en kownusturu ini heimel e lafu,

Masra e teki den meki spotu.

₅Dan A e bari den na ini atibron,

den e skreki te fu dede fu a hebi atibron fu En.

₆“Na Mi srefi poti a kownu fu Mi,

na Sion, a santa bergi fu Mi.”

₇Mi wani taki fu a besroiti fu MASRA.

A ben taigi mi taki:

“Yu na mi manpikin.

Bigin fu tide Mi na yu P'pa.

₈Aksi Mi nomo èn Mi o gi yu ala folku gi yusrefi,

heri grontapu o de fu yu.

₉Yu o naki den broko nanga wan isri tiki,

broko den pis'pisi leki na kleipatu Yu e naki broko.”

₁₀We dan, un kownu, un sori taki un koni,

tiriman fu grontapu, un teki a warskow disi.

₁₁Un saka unsrefi gi MASRA nanga lespeki,

un gi En grani nanga lespeki.

₁₂Bosi a manpikin,

fu A no lusu a hebi atibron fu En,

noso yu o dede sondro fu yu sabi.

Bika a hebi atibron fu En no abi furu fanowdu.

Ala den sma di e kibri na En na blesi sma!