14 oktober - Psalm 119:121-128

₁₂₁Mi du san bun èn mi du en tapu wan leti fasi,

no gi mi abra na den sma di e pina mi.

₁₂₂Gi Yu knekti a dyaranti taki sani sa waka bun gi en,

no meki den sma nanga heimemre pina mi.

₁₂₃Mi e angri fu si a ferlusu di Yu o tyari,

nanga a pramisi taki Yu o du sani tapu wan leti fasi.

₁₂₄Sori Yu knekti a bigi lobi fu Yu,

èn leri mi den sani fu Yu di wi mus tan du.

₁₂₅Mi na Yu knekti, gi mi ferstan,

fu mi kan sabi den sani fu Yu di wi mus memre.

₁₂₆MASRA, disi na a ten fu Yu du wan sani,

bika sma e broko a wèt fu Yu.

₁₂₇Ma mi lobi den gebod fu Yu,

mi lobi den moro gowtu,

iya, moro a moro fini gowtu.

₁₂₈Dat' meki ini ala sani mi e hori misrefi na den komanderi fu Yu,

mi no wani abi not'noti fu du nanga lei.