9 oktober - Psalm 119:113-120

₁₁₃Mi no lobi den sma di no e dini Yu nanga den heri ati,

ma mi lobi a wèt fu Yu.

₁₁₄Yu na mi kibripresi, a Wan di e kibri mi,

na tapu Yu wortu mi e howpu.

₁₁₅Un kmopo na mi tapu, un takru-ati sma,

fu mi tan du san den gebod fu mi Gado e taki.

₁₁₆Kraka mi leki fa Yu ben pramisi, fu mi tan na libi,

no meki mi kon na syen fu a howpu di mi abi.

₁₁₇Yepi mi, fu mi kan kon fri,

dan mi sa man tan prisiri nanga den sani fu Yu

di wi mus tan du.

₁₁₈Yu e poti ibri sma na wan sei

di e no e tan du den sani fu Yu

di wi mus tan du,

na densrefi den e bedrigi.

₁₁₉Ala den ogri-ati sma na grontapu

Yu e figi puru na pasi leki skuma,

dat' meki mi lobi den sani fu Yu di wi mus memre.

₁₂₀Mi heri skin e beifi fa mi e frede gi Yu

mi e frede te Yu e leisi strafu.