Yéhèskièl 19

“Wah, emakmu kuwi pantyèn singa wédok

ing antarané singa-singa!

Nglémprak ing sak tengahé singa-singa nom

lan nusoni anak-anaké.

₃Anaké ana siji sing dirumati

nganti dadi singa nom,

sing sinau ndekep

malah terus mangan manungsa.

₄Bangsa-bangsa pada alok: Ana singa ngamuk!

Terus singa mau ketyekel ing juglangan pasangané,

terus ditalèni

lan digiring menyang Egipte.

₅Bareng ibuné singa mau ngerti yèn ngupaya kekuwatané gagal

lan wis ora nduwé pengarep-arep babar pisan

terus njupuk anaké liyané

lan dirumati dadi singa nom.

₆Anaké iki sesrawungan karo singa okèh

terus wis dadi singa nom

lan sinau ndekep

malah terus mangan manungsa.

₇Bèntèngé pada dirusak,

kutané pada diobrak-abrik;

bumi uga sak isiné kabèh pada kagèt

krungu swarané nggeroné.

₈Para bangsa terus pada ngadek nglawan

sangka panggonan pangwasané ing sak ubengé,

pada masang jaring kanggo nyekel

lan kejegur ing juglangan pasangan.

₉Terus dilebokké ing kandangé karo ditalèni,

lan digawa menyang ngarepé ratu ing Babèl;

terus dilebokké ing paukuman,

supaya swarané aja dikrungu menèh

ing gunung-gunungé Israèl.

₁₀Emakmu kuwi kaya wit anggur ing kebon anggur

sing ditandur ing sak tyedaké banyu,

terus woh lan ngepang

awit sangka akèhé banyuné.

₁₁Apa pangé sing tukul sing kuwat

sing dadi tekené kraton;

tukulé duwur

ngungkuli kabèh pang liyané sing rapet,

lan kétok wéla-wéla awit sangka duwuré

lan awit ana pangé tyilik okèh.

₁₂Nanging wit anggur kuwi terus kejebol awit sangka bebendu,

lan dirubuhké ing bumi;

angin sangka wétan nggawé alum lan garingé

wohé pada gogrok.

Pangé sing kuwat dadi garing

lan terus dipangan karo geni nganti entèk.

₁₃Lah saiki wit mau terus ditandur ing ara-ara samun,

ing lemah sing garing lan kekurangan banyu banget.

₁₄Terus geni sing metu sangka pangé

sing ngobong pangé sing tyilik lan wohé nganti entèk,

terus wis ora ana pangé sing kuwat,

ora ana pangé sing kanggo teken kraton.”