Yosua 15

₁Sing dadi pandumané karo dilotré kanggo taler Yéhuda miturut turunané kuwi nganti tekan ing tapel watesé negara Edom, nganti tekan ing ara-ara samun Sin ing pojok siji kidul, ₂watesé sing kidul kuwi wiwit sangka pojokané segara Asin, sangka lekukan sing madep ngidul, ₃terus ngliwati sisih kidulé unggah-unggahan ing Akrabim, terus menyang Sin, terus munggah menyang ing sisih kidulé Kadès-Barnéa, terus menyang ing Hèsron, terus munggah menyang ing Adar, ménggok menyang ing Karka, ₄terus menyang ing Asmon lan metu ing kaliné negara Egipte, pungkasané mandek ing segara ya kuwi sing dadi watesmu sisih kidul. ₅Watesé sisih wétan telaga Asin tekan ing putyuké laut Yordan, watesé sisih lor kuwi wiwit ing lekukan ing putyuké laut Yordan mau. ₆Terus munggah tekan ing Bèt-Hokla terus ngliwati sisih loré Bèt-Araba, munggah menèh tekan ing watu Bohan, anaké Rubèn. ₇Sak terusé wates kuwi munggah sangka legokan Akor marang ing Debir, ménggok ngalor nuju ing Gilgal, ing peneré unggah-unggahan ing Adumim, sak kidulé kali, terus menyang ing sumber En-Sémes lan metu nuju ing sumber En-Rogèl. ₈Sangka kono wates kuwi munggah metu ing Panggonan Ben-Hinom, nurut ing pèrèng-pèrèng gunung Yébus sisih kidul, ya kuwi ing Yérusalèm, terus munggah menèh tekan ing putyuké gunung-gunung ing ngarepé legokan Hinom ing sisih kulon, ing pungkasané legokan wong Efraim, sing sisih lor. ₉Sangka putyuké gunung-gunung mau watesé ménggok menyang ing sumber Me-Nèftoah lan terus tekan ing kuta-kutané pegunungan Efron, sangka kono ménggok menyang ing Baala, ya kuwi ing Kiryat-Yearim. ₁₀Wates kuwi terus ménggok sangka Baala mengulon nuju ing pegunungan Seir, terus ngalor menyang ing pèrèng-pèrèng gunung Yearim, ya kuwi ing Kesalon, medun menyang Bèt-Sémes, terus menyang ing Timna. ₁₁Wates mau terus ngalor menyang ing pèrèng-pèrèng gunung Ekron, terus ménggok menyang ing Sikron terus menyang ing gunung Baala lan metu ing sak tyedaké Yabneèl, banjur wates mau tekan ing segara. ₁₂Kanggo wates kulon ya kuwi segara Gedé lan pinggiré segara. Kuwi mau tapel watesé panggonané wong turunané Yéhuda ing sak ubengé miturut turunané déwé-déwé.

₁₃Nanging Kalèb anaké Yéfuné kuwi dikèki karo Yosua panduman ing tengahé turunané Yéhuda, ya kuwi Kiryat-Arba, netepi préntahé GUSTI marang Yosua; Arba kuwi bapaké wong Enak, ya kuwi Hébron. ₁₄Lan Kalèb nundungi wong-wong Enak telu sangka kono ya kuwi: Sesai, Ahiman lan Talmai, anak-anaké wong Enak. ₁₅Sangka kono Kalèb terus ngluruk bangsa Debir. Jenengé Debir kuwi mbiyèn Kiryat-Sefer. ₁₆Kalèb terus ngomong mengkéné: “Sapa sing nggempur kuta Kiryat-Sefer nganti bisa bedah, bakal tak pèk mantu tak olèhké anakku wadon Aksa.” ₁₇Kuta mau terus dibedah karo Otnièl, anaké Kénas, seduluré Kalèb, mulané Kalèb terus ngekèkké Aksa, anaké wadon, marang dèkné dadi bojoné. ₁₈Bareng Aksa mau wis teka, sing lanang terus ojok-ojoki supaya njaluk kebon marang bapaké. Aksa terus medun sangka kimaré, Kalèb takon: “Ana apa?” ₁₉Semauré Aksa: “Kula njaluk dikèki berkah; kula wis sampéyan kèki lemah bongkor, njaluk dikèki sumber uga.” Terus dikèki sumber ing pegunungan lan ing legokan.

₂₀Iki tanah pandumané taler Yéhuda miturut turunané. ₂₁Kuta-kutané turunané Yéhuda ing pojok déwé, ing sak tyedaké pinggiré negara Edom, ing negara Negeb, ya kuwi: Kabseel, Eder, Yagur, ₂₂Jaman, Dimona, Adada, ₂₃Kèdès, Hasor, Yitnan, ₂₄Sif, Telem, Bealot, ₂₅Hasor-Hadata, Kériot-Hézron, ya kuwi Hasor, ₂₆Aman, Sema, Molada, ₂₇Hasar-Gada, Hèsmon, Bèt-Pèlèt, ₂₈Hasar-Sual, Bèrsyéba lan sakèhé kuta pangwasané, ₂₉Baala, Iyim, Ezem, ₃₀Eltolat, Kesil, Horma, ₃₁Siklag, Madmana, Sansana, ₃₂Lebaot, Silhim, Ain lan Rimon, gunggungé kuta sanga likur karo désa-désané. ₃₃Sing ana bawah Pegunungan ya kuwi: Esytaol, Sora, Asna, ₃₄Sanoah, En-Genim, Tapuah, Enam, ₃₅Yarmut, Adulam, Sokho, Azéka, ₃₆Saaraim, Aditaim, Gedera lan Gederotaim: kuta patbelas karo désa-désané.

₃₇Sénan, Hadasa, Mogdal-Gad, ₃₈Diléan, Mispa, Yokteel, ₃₉Lakis, Boskat, Eglon, ₄₀Kabon, Lahmas, Kitlis, ₄₁Gedérot, Bèt-Dagon, Naama lan Makéda: kuta nembelas karo désa-désané.

₄₂Libna, Eter, Asan, ₄₃Yiftah, Asna, Nesib, ₄₄Kéhila, Aksib lan Maresa, kuta sanga lan désa-désané.

₄₅Ekron lan sakkèhé kuta lan désa pangwasané. ₄₆Wiwit sangka Ekron nganti tekan ing segara, sakkèhé panggonan sandingé Asdod lan désa-désané; ₄₇Asdod karo sakkèhé kuta lan désa-désané pangwasané, Gaza karo sakkèhé kuta lan désa pangwasané, nganti tekan ing kali ing negara Egipte, ing segara Gedé lan pinggiré segara.

₄₈Anamanèh ing pegunungan, ya kuwi: Samir, Yatir, Sokho, ₄₉Dana, Kiryat-Sana, ya kuwi Debir, ₅₀Anab, Estemo, Anim, ₅₁Gosèn, Holon, lan Gilo: kuta sewelas karo désa-désané pangwasané; ₅₂Araba, Duma, lan Esan, ₅₃Yanum, Bèt-Tapuah, Aféka, ₅₄Hutma, Kiryat-Arba, ya kuwi Hébron, lan Sior, kuta sanga karo désa-désané.

₅₅Maon, Karmèl, Sif, Yuta, ₅₆Yisreèl, Yokdeam, Sanoah, ₅₇Kain, Gibéa, lan Timna, kuta sepuluh karo désa-désané pangwasané.

₅₈Halul, Bèt-Sur, Gedor, ₅₉Maarat, Bèt-Anot, lan Eltekon, kuta nem karo désa-désané pangwasané.

₆₀Kiryat-Baal, ya kuwi Kiryat-Yearim, lan Raba, kuta loro karo désa-désa pangwasané.

₆₁Sing ing ara-ara samun: Bèt-Araba, Midian, Sekaka, ₆₂Nibsan, kuta Uyah lan En-Gedi: kuta nem karo désa-désané pangwasané.

₆₃Nanging wong Yébus sing pada manggon ing Yérusalèm ora bisa pada ditundung, dadiné wong Yébus mau pada manggon tyampur karo turunané Yéhuda ing Yérusalèm nganti sepréné.