Masmur 15

Duh GUSTI, sapa sing dililani mondok ing tarup Panjenengan?

Sapa sing dililani manggon ing gunung Panjenengan sing sutyi?

₂Ya kuwi wong sing mlakuné tanpa tyiri

lan nindakké apa sing adil,

uga ngutyapké sing bener karo sak kabèhé atiné,

₃sing ora nyebar pitenah karo ilaté,

lan ora nindakké sing ala marang kantyané,

lan ora nyepèlèkké marang sak pepadané;

₄sing nganggep asor marang sing ditulak Gusti,

nanging ngajèni wong sing pada wedi lan trésna marang GUSTI;

sing ngantepi sumpahé, senajan rugi;

₅sing ora nganakké duwité

lan ora nampani beselan nglawan wong sing ora salah.

Sapa sing tumindaké mengkono mesti ora gloyoran ing sak lawas-lawasé.