Masmur 24
Tekané ratuné Kamulyan ing Griyané Gusti Allah
1Masmuré Daved.
Bumi uga sak isiné kabèh duwèké GUSTI,
mengkono uga ndonya lan sing pada ngenggoni.
2Awit Panjenengané sing nggawé karo didasari segara
ditetepaké temumpang ing kali-kali.
3“Sapa sing dililani munggah ing gunungé GUSTI?
Sapa sing dililani ngadek ing panggonané sing sutyi?”
4“Wong sing resik tangané lan sutyi atiné,
sing ora masrahaké uripé marang sing ala,
lan ora nglairké sumpah goroh.
5Kuwi bakal dikèki berkah karo GUSTI,
lan keadilan karo Gusti Allah sing njalari keslametané.
6Kuwi bangsané wong sing pada takon bab Panjenengané,
sing pada nggolèki praupan Panjenengan, duh Gusti Allahé Yakub.” Sela
7Hé gapura, pada duwurna putyukmu.
Hé lawang langgeng, pada dibukaka,
supaya Ratuné kamulyan mlebu!
8“Ratuné kamulyan kuwi sapa?”
“Kuwi GUSTI sing kwasa lan Mahakuwat,
GUSTI Mahakwasa ing perang!”
9Hé gapura, pada duwurna putyukmu,
hé lawang kawak pada dibukaka,
supaya Ratuné kamulyan mlebu!
10“Ratuné kamulyan kuwi sapa?”
“Kuwi GUSTI, Gustiné sing ngwasani langit,
Kuwi Ratuné kamulyan.” Sela
