Wan begi fu Gado yepi nanga den feyanti
1Wan Singi. Wan Psalm fu David.
2Mi ati sidon, mi Gado,
mi wan singi,
singi wan psalmsingi nanga ala san de ini mi.
3Meki yusrefi klari, harp nanga citer,
mi wani wiki fosi dei broko.
4Mi sa prijse Yu, MASRA, na mindri den folku,
singi psalmsingi gi Yu meki ala kondre yere.
5MASRA, a lobi fu Yu bigi moro leki wi kan ferstan,
a bow di sma kan bow na Yu tapu no de fu marki.
6Mi Gado, sori a makti nanga a glori fu Yu,
sori en na heimel nanga grontapu.
7Ferlusu den lobiwan fu Yu,
meki a krakti fu Yu gi wi a wini,
piki wi.
8Gado taki na ini En santa presi taki:
“Mi o prisiri te Mi o prati a kontren fu Sikem,
te Mi o marki a Sukotdal.
9Gilead nanga Manase, na Mi abi den,
Efraim na a fet'ati di Mi weri tapu Mi ede,
Yuda a tiki nanga san Mi rigeri.
10Moab na a beki pe Mi e wasi,
tapu Edom mi e fringi Mi susu,
Mi bari fu di Mi wini Filistea.”
11Suma sa tyari mi go na a tranga foto?
Suma sa tyari mi go na Edom?
12Na Yu, Gado, di ben poti wi na wan sei,
Na Yu, Gado, o hari go nanga a legre fu wi?
13Yepi wi nanga den feyanti fu wi,
bika a yepi fu libisma na noti.
14Nanga Gado wi sa wini,
bika Ensrefi sa traputrapu den feyanti fu wi.
