Psalm 121

Mi e opo mi ede luku go na den bergi,

fu pe mi yepi sa kmopo?

₂Mi yepi e kmopo fu MASRA

di meki heimel nanga grontapu.

₃A no sa meki ongoloku miti yu,

a Wan di e kibri Yu no e dyonko.

₄Luku, a Wan di e kibri Israel no e dyonko,

A no e fadon na sribi.

₅MASRA, na a Wan di e kibri yu,

MASRA de skin-skin nanga yu fu kibri yu.

₆A son no sa bron yu te deiten,

A munkenki no sa du yu noti te neti.

₇MASRA o kibri yu gi ala ogri,

A o kibri a libi fu yu.

₈MASRA o kibri yu te yu e go,

A o kibri yu te yu e kon,

now èn fu têgo.