Psalm 15

MASRA, suma kan tan fu wan pisten ini a tenti fu Yu?

Suma kan go libi tapu a santa bergi fu Yu?

₂Dati na a sma tapu san trawan no man sori finga,

di e du san bun ini Gado ai,

di e taki den sani leki fa den de,

₃di no e taki takru fu trawan,

di no e du en mati ogri,

èn di no e teki tra sma e meki spotu.

₄A sma dati no e luku den sma na wan ai di no warti,

ma a e gi grani na den sma di e lespeki MASRA.

A no e broko en pramisi, awinsi a e tyari lasi gi en,

₅a no e leni sma moni dan a e aksi moro leki san a leni a sma,

èn a no e teki moni fu lei na krutu gi wan trawan di no du noti.

Wan sma di e tyari ensrefi so wan fasi, no e fadon noiti.