Gado na Kownu fu heri grontapu
1Gi a tiriman fu a singigrupu fu a tempel. Fu den Korakitisma. Wan psalm.
2Folku, un alamala, un naki na ini un anu!
Un prijse Gado nanga tranga singi!
3Bika MASRA, a Moro Hei Gado, de fu lespeki,
A de a bigi Kownu fu heri grontapu.
4A e meki folku saka densrefi gi wi,
A e poti kondre ondro wi futu.
5Na Ensrefi teki wan kondre gi wi,
a kondre nanga san Yakob, di A lobi, e prodo. sela
6Prisiri babari de fu yere te Gado e kren go,
nanga a babari fu tutu MASRA e go.
7Un singi gi Gado, un singi!
Un singi gi a Kownu fu wi, un singi!
8Bika Gado na a Kownu fu heri grontapu,
un singi wan moi singi gi En.
9Gado e tiri den folku,
Gado sidon na tapu a santa kownusturu fu En.
10Den edeman fu den folku kon na makandra,
nanga a pipel fu a Gado fu Abraham.
Bika na Gado na basi fu ala edeman fu grontapu.
Na En e rigeri!
