Masmur 6

₂Duh GUSTI, kula supaya mboten Panjenengan ukum karo nesuné Panjenengan,

supaya mboten Panjenengan siksa karo panasé nesuné Panjenengan.

₃Duh GUSTI, kula supaya Panjenengan welasi, awit kula gloyoran.

Duh GUSTI, kula supaya Panjenengan waraské,

awit balung kula pada gemeter,

₄lan nyawa kula banget kagèt.

Nanging Panjenengan, duh GUSTI, ijik sak pira suwéné?

₅Duh GUSTI, Panjenengan, supaya mbalik marang kula,

lan nylametaké nyawa kula,

supaya gelem ngluwari kula,

awit sangka kawelasan Panjenengan.

₆Awit ing ndonyané wong mati ora ana wong sing ngéling-éling marang Panjenengan,

ing panggonané wong mati, sapa sing bakal memuji marang Panjenengan?

₇Kula wis semplak awit sangka nggresah kula,

ing saben wengi ambèn kula kebanjiran karo luh kula,

bantal kula katelesan karo luh kula.

₈Mripat kula nganti mbendol awit sangka kasusahan,

lan mblereng jalaran kabèh mungsuh kula.

₉Hé! wong sing pada nggawé ala, nyingkira sangka ngarepku,

awit GUSTI wis krungu tangisku.

₁₀GUSTI wis krungu penjalukku,

GUSTI nampani pandongaku.

₁₁Kabèh mungsuhku pada kewirangan lan kagèt banget,

lan mundur sakwat lan sak kedèpan kisinan kabèh.