Psalm 127

Efu MASRA no bow a oso,

dan den wrokoman e naki den skin fu soso.

Efu MASRA no kibri a foto,

dan na fu soso a waktiman e hori wakti.

₂Na fu soso yu e opo fruku èn wroko te lati,

na fu soso yu naki yu skin fu kon na yu deibrede,

bika Gado e gi den sma di A lobi san den abi fanowdu,

te den e sribi.

₃Un yere, pikin na wan blesi fu MASRA,

a froktu fu wan m'mabere na wan kado.

₄Manpikin di sma kisi yonguyongu,

de leki den peiri ini a anu fu wan dyadya fetiman.

₅A sma di abi furu fu den peiri disi na wan blesi sma.

A no o kon na syen te a o tnapu fu krutu en feyanti,

na a presi pe den e koti krutu.