1Wan psalm fu Asaf.
Gado opo tnapu na mindri den gado na heimel,
A e krutu den gado, taki:
2“Olanga un o tan leisi strafu na tapu wan kruktu fasi?
Olanga un o go doro fu teki a sei fu den ogri-ati sma? sela
3Du bun gi den swakiwan,
nanga den pikin di no abi p'pa nanga m'ma moro,
meki den mofinawan nanga den pôtiwan kisi den leti.
4Ferlusu a swakiwan nanga a pôtiwan,
ferlusu den puru ini a makti fu den ogri-ati sma.
5Un no sabi noti èn un no e ferstan noti,
na ini dungru un e waka,
na dat' meki grontapu pori so.
6Mi ben taki wan leisi taki: un na gado,
Mi ben kari un manpikin fu a Moro Hei Gado.
7Ma un o dede leki libisma,
un o fadon leki den tiriman fu grontapu.”
8Du wan sani Gado, krutu grontapu,
bika ala folku na fu Yu.
Uw browser ondersteunt geen HTML5 audio.