81Mi e angri sote fu Yu ferlusu mi,
na tapu Yu wortu mi e howpu.
82Mi e angri fu si den sani di Yu pramisi mi,
oten Yu sa trowstu mi?
83Mi kon drei leki wan winsaka ini smoko,
ma mi no e fergiti den sani fu Yu di wi mus tan du.
84Olanga mi mus wakti ete Masra?
Oten Yu o strafu den sma di de nomonomo na mi baka?
85Den heimemre sma diki olo fu mi fadon na ini,
den di no e libi leki fa a wèt fu Yu e taki.
86Ala den gebod fu Yu de fu fertrow,
ma sma de di de nomonomo na mi baka
sondro taki mi du wan sani.
Kon yepi mi nanga den!
87Pikinso moro dan den ben kiri mi,
ma mi e tan du den sani di Yu komanderi.
88Meki a lobi fu Yu hori mi na libi,
dan mi kan du den sani di Yu ben taigi wi
taki wi mus memre den.
