15Luku fu heimel,
luku èn si fu a santa tanpresi fu Yu di moi sote.
Pe a tranga angri fu Yu de te Yu e du sani?
Pe den bigi wroko fu Yu de?
Yu no e sori mi a sari-ati nanga a bun-ati fu Yu moro.
16Na Yu na wi p'pa!
Bika Abraham no sabi wi,
èn gi Israel wi na sma di noiti a si.
Ma Yu, MASRA, na wi p'pa,
Wi Ferlusuman,
dati na Yu nen sensi den dei fu bifo.
17MASRA, fu sanede Yu meki un kmopo fu Yu pasi?
Fu sanede Yu meki un tranga un ati?
Un kon lasi lespeki gi Yu.
Drai kon baka, fu den knekti fu Yu ede,
fu den lo di de fu Yu.
18Fu wan syatu ten a pipel fu Yu ben abi a santa presi gi densrefi,
ma den feyanti fu wi broko en trowe.
19Wi kon gersi sma di noiti Yu ben tiri,
leki sma di no ben de fu Yu.
1Tye, mi winsi taki Yu ben priti heimel opo
taki Yu ben saka kon,
taki den bergi seki te den ben si Yu.
2Kon leki faya di e bron drei taki,
leki faya di e meki watra kuku.
Kon meki den feyanti leri sabi Yu
fu den folku kan beifi na Yu fesi.