Gods woord in actie

Bijbeltekst(en)

11Dan MASRA taigi Samuel taki: “Yere, Mi o du wan sani ini Israel. Iniwan sma di yere san o psa no o wan bribi den yesi. 12A ten dati Mi o meki ala den sani psa di Mi ben taigi Eli taki o miti a famiri fu en. Ibriwan fu den Mi sa meki psa. 13Mi taigi en kba tak' Mi o strafu a famiri fu en nanga wan strafu di o tan ini en famiri. Bika Eli sabi tak' den boi fu en e kari wan fluku kon na den tapu, ma a no bari den. 14Dat' meki Mi ben sweri tak' noiti a famiri fu Eli sa kisi pardon fu a kruktudu fu den, awinsi sortu ofrandi den tyari.”

15Samuel tan didon te mamanten. Di a opo, a go opo den doro fu a oso fu MASRA. A ben e frede fu taigi Eli san MASRA taigi en. 16Ma Eli kari en taki: “Samuel, mi boi, kon yere.” Samuel piki en taki: “Iya, mi e kon.” 17Dan Eli aksi en taki: “San A taigi yu? No kibri noti gi mi. Gado sa strafu yu hebi efu yu no taigi mi ala san A taigi yu.” 18Dan Samuel ferteri en ala sani, a no kibri noti gi en. Baka dati Eli taki: “Na En na MASRA. A e du san bun ini en ai.”

19Samuel ben e gro kon bigi. MASRA ben de nanga en, èn A ben meki ala san Samuel taki, kon tru. 20So heri Israel, fu Dan te kon miti Berseba, ben kon ferstan tak' na MASRA poti Samuel leki profeiti. 21Baka dati MASRA tan sori ensrefi na Silo. Drape A ben e meki Samuel leri sabi En, fu di A ben e taki nanga En.

1Heri Israel ben e arki san Samuel ben e taki.
Israel e lasi a santa kisi

Den Israelitisma ben hari go feti nanga den Filistijnsma. Den meki den kampu na Eben-Haeser. Den Filistijnsma ben meki di fu den na a foto Afek.

1 Samuel 3:11-4:1STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.18.7
Volg ons