De wet is beter dan een schat

₆₅Tye MASRA, Yu du bun gi Yu knekti,

neleki fa Yu ben pramisi.

₆₆Yepi mi fu teki den yoisti besroiti

èn gi mi moro koni

bika mi poti mi fertrow tapu den gebod fu Yu.

₆₇Fosi Yu strafu mi, mi no ben teki a kruktu pasi,

ma now mi e du san Yu taki.

₆₈Yu bun èn Yu e du soso bun,

leri mi fu du den sani fu Yu di wi mus tan du.

₆₉Den sma nanga heimemre e suku fu pori mi nen,

ma nanga mi heri ati mi e tan du san Yu komanderi.

₇₀Den no abi no wan firi gi a wèt fu Yu,

ma mi e prisiri nanga en.

₇₁A benawtu ini san mi ben de ben bun gi mi,

a meki mi leri den sani fu Yu di wi mus tan du.

₇₂A wèt di Yu gi wi bun gi mi

moro ala gudu fu grontapu.