Gods woord is genoeg

Bijbeltekst(en)

Den leri fu Agur

1Disi na den wortu fu Agur, a manpikin fu Yake.

Disi na a boskopu fu en.

Mi weri sote, mi Gado, mi weri,

mi no man moro.

2Mi don moro ala tra sma,

mi no abi ferstan srefsrefi.

3noiti mi ben koni tu,

èn mi no sabi noti fu a Santa Wan.

4Suma kren go na heimel dan a saka kon baka?

Suma ben man grabu a winti hori nanga en anu?

Suma ben man tai watra hori ini en krosi?

Suma poti pe a kba pisi fu grontapu de?

Efu yu sabi suma na en, taigi mi en nen

nanga di fu a manpikin fu en.

5Ala sani di Gado taki na tru,

A e kibri den sma di e go kibri na En.

6No poti noti moro na den sani di A taki,

noso A o strafu yu,

èn a o kon na krin tak' na lei yu e lei.

7Tu sani mi e aksi Yu,

mi e begi Yu fu du den gi mi fosi mi dede.

8Meki lei nanga bedrigi fasi tan fara fu mi,

no meki mi pina, ma mi no abi fu gudu tu,

gi mi a nyanyan nomo di mi abi fanowdu.

9Bika efu mi ben gudu,

kande mi bo du leki mi no sabi Yu,

èn taki: “Suma na MASRA?”

èn efu mi ben e pina,

kande mi bo fufuru,

èn pori a nen fu Yu.

Leri 30:1-9STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.20.14
Volg ons