1Yu no mus taki grofu nanga wan owru man. Efu yu mus pir'ai gi en, du en leki en na yu eigi p'pa. Taki nanga den yongu man leki den na brada fu yu, 2nanga den moro owru uma leki den na yu eigi m'ma, èn nanga den yongu uma leki den na yu eigi s'sa, sondro fu abi tra prakseri.
Den uma di masra dede kba
3A gemeente mus sorgu gi den uma di masra dede kba, efu den no abi no wan tra sma fu sorgu gi den. 4Ma efu wan uma di masra dede kba abi pikin noso granpikin, dan den dati mus leri na a fosi presi fu du san Gado wani ini den eigi famiri. Den mus sorgu gi den bigisma fu den, fu san den bigisma ben du gi den na fesi, bika Gado lobi a sani disi. 5Wan uma di masra dede kba èn di trutru no abi no wan sma fu sorgu en, e luku na Gado fu sorgu en. Dei nanga neti a e tan begi fu Gado yepi en. 6Ma efu a e libi fu meki soso prisiri, dan a dede kba aladi a e libi ete.
