A begi fu wan sma di no du noti
1Fu David.
MASRA, meki mi kisi mi leti,
bika sma no man sori finga na mi tapu.
Na tapu Yu mi e fertrow MASRA,
sondro fu degedege.
2Ondrosuku mi, MASRA, èn tesi mi luku,
ondrosuku den firi nanga den prakseri fu mi.
3Mi e tan hori mi ai tapu a bigi lobi fu Yu,
èn mi e libi leki fa Yu wani.
4Mi no e sidon nanga bedrigiman,
èn mi no e waka nanga hoigriman.
5Mi no abi takru-ati sma leki mati kwet'kweti,
èn mi no e sidon na tafra nanga ogri-ati sma.
6Mi e wasi mi anu leki wan marki taki mi no du noti,
mi e waka, MASRA, lontu a altari fu Yu,
7mi e bari wan singi fu gi Yu tangi
èn mi e ferteri fu den wondru fu Yu.
8MASRA, mi lobi a oso pe Yu e libi,
a presi pe a glori fu Yu de.
9No puru mi na pasi makandra nanga den sondusma,
nanga den di e meki brudu lon.
10Den gwenti fu du ogri nanga den anu,
den anu furu nanga tyuku.
11Ma sma no man sori finga na mi tapu,
ferlusu mi èn sori mi a bun-ati fu Yu.
12Mi futu e waka Yu pasi,
mi sa prijse MASRA pe a pipel e kon makandra.
