Bescherming tegen verraders

Bijbeltekst(en)

Wan begi fu yepi

1Gi a tiriman fu a singigrupu fu a tempel. A mus singi a srefi fasi leki: A di fu aiti. Wan psalm fu David.

2Yepi un, MASRA,

bika sma di e tan waka na Yu baka no de moro.

Sma di e tan fertrow na Yu tapu no de fu feni moro mindri libisma.

3Sma e lei nomo gi densrefi,

den e taki switi, ma nanga tu mofo.

4MASRA, tyari wan kba kon na a switi taki fu den,

no meki den mofo fu den puru den bigitaki kon moro na doro,

5den di e taki:

“Nanga un mofo un tranga,

na un mofo e yepi unu,

no wan sma kan taigi un san un mus du.”

6Fu a pina ini san den mofinawan de,

nanga fu a dyeme fu den pôtiwan,

meki MASRA e taki:

“Mi o du wan sani now.

Mi o tyari yepi gi den di e angri fu dati.”

7Den sani di MASRA e taki de fu fertrow.

Den soifri leki solfru di den bron seibi leisi,

fu puru ala doti na ini.

8Kibri den, MASRA,

kibri den fu têgo gi den sortu sma dati.

9Ala sei ogri-ati sma e waka lontu,

ala sei ogri e panya nomo mindri libisma.

Psalm 12:1-9STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.16.20
Volg ons