Een nieuwe naam

₁₂“Skrifi a engel fu a gemeente na Pergamum taki:

Disi na san a Wan e taki di abi a deigri di srapu na ala tu sei: ₁₃Mi sabi taki un e libi na ini a foto pe didibri e rigeri, èn taki un tan hori na Mi. Un no drai un baka gi a bribi san un abi na ini Mi, aladi den ben kiri Antipas, a trutru kotoigi fu Mi ini a foto fu unu pe Satan e rigeri. ₁₄Ma san Mi no feni bun fu unu na disi: Wantu sma de na un mindri di e hori densrefi na a leri fu Bileam, di ben leri Balak fa fu kori den sma fu Israel fu den nyan afkodrei nyanyan, èn fu den gi densrefi abra na takru lostu. ₁₅Wantu sma de na un mindri tu di e hori densrefi na a leri fu Nikolaus. ₁₆Un mus drai un libi. Ma efu un no wani, dan Mi sa kon her'esi drape èn Mi sa feti nanga den sma dati nanga a deigri san e kmopo ini Mi mofo.

₁₇Suma abi yesi, meki a yere san a Yeye e taigi den gemeente. A sma di e wini, Mi sa gi en fu nyan fu a mana san kibri. Èn Mi sa gi en wan weti ston nanga wan nyun nen na en tapu, san no wan sma sabi boiti a sma di kisi en.”