Geef aan God wat van God is

Bijbeltekst(en)

A tori fu a lantimoni

15Dan den Fariseiman gwe go kruderi fa den ben o man kisi Yesus fu A taki wan sani san no bun. 16So den seni wantu man di ben e teki leri fu den go na Yesus, makandra nanga wantu man fu Herodes. Den aksi Yesus taki: “Meister, wi sabi taki Yu na wan man di no e kori sma, èn Yu e leri unu a pasi fu Gado leki fa a de. Yu no abi bisi nanga san sma e taki fu Yu, èn ala sma na a srefi gi Yu. 17Ma taigi unu san Yu e prakseri fu a tori disi: efu a fiti noso efu a no fiti fu pai a grankownu fu den Romeinisma lantimoni?” 18Ma Yesus ben sabi taki na kori den ben wani kori En. Dat' meki A taigi den taki: “Un hoigriman! Fu sanede un e pruberi fu tesi Mi? 19Sori Mi a moni san un mus pai.” Dan den sori Yesus a moni. 20A aksi den taki: “Suma fesi nanga suma nen de na en tapu?” 21Den piki En taki: “A di fu a grankownu.” Ne Yesus piki den taki: “Dan un gi a grankownu san na fu en, èn un gi Gado san na fu Gado.” 22Di den man yere san Yesus taki, den ferwondru, dan den libi En èn den gwe.

Mateus 22:15-22STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.16.20
Volg ons