29Di Yesus nanga den man di ben e teki leri fu En kmopo fu Yeriko, bun furu sma ben waka na En baka. 30Dan luku, tu breniman ben sidon na seipasi. Di den yere taki Yesus e psa, den bigin bari taki: “Masra, Manpikin fu David, abi sari-ati nanga wi!” 31A heri grupu sma bari den fu den tapu den mofo, ma den man bigin bari moro tranga taki: “Masra, Manpikin fu David, abi sari-ati nanga wi!” 32Ne Yesus tan tnapu. A kari den breniman kon na En, dan A aksi den taki: “San un wani taki Mi mus du gi unu?” 33Den piki En taki: “Masra, un wani si.” 34Dan Yesus firi sari gi den breniman. A fasi den na den ai èn wantron den ben man si. Dan den bigin waka na Yesus baka.