De achterblijvers

Bijbeltekst(en)

Den beri Yesus

57Di neti ben de fu tapu, wan guduman kon di ben nen Yosef. A ben de fu a foto Arimatea èn a ben de wan man di ben teki leri fu Yesus tu. 58A go na Pilatus fu aksi en a dedeskin fu Yesus. Dan Pilatus seni taigi den srudati taki den kan gi en. 59So Yosef teki a dedeskin fu Yesus, èn a domru en ini wan krin linnen krosi. 60Dan a poti a dedeskin ini a nyun grebi fu en di a ben meki den diki ini a bergiskin. Baka dati a lolo wan bigi ston na a mofo fu a grebi fu tapu en, dan a gwe. 61Maria fu Magdala nanga a tra Maria, ben sidon a pisten dati na abrasei fu a grebi.

Srudati hori wakti na a grebi fu Yesus

62A tra dei fu en, den prenspari priester nanga den Fariseiman go makandra na Pilatus. A ben de wan sabatdei. 63Dan den taigi en taki: “Masra, wi memre taki di a bedrigiman disi ben de na libi ete, A ben taki tak' baka dri dei A ben o kon na libi baka. 64Dat' meki wi e aksi yu fu meki srudati hori wakti na a grebi dri dei langa. Bika den man di ben teki leri fu En kan kon fufuru a dedeskin, dan den go ferteri den sma taki A kon na libi baka. A lei dati o bigi moro a fosi wan.” 65Pilatus taigi den taki: “Un kan teki srudati, ma unu srefi luku fa un o seti a wakti drape.” 66So den man go poti wan marki na a ston fu sma no kan puru en èn den poti srudati fu hori wakti.

Mateus 27:57-66STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.19.1
Volg ons