Gezalfd met olie

Bijbeltekst(en)

Den edeman fu den Dyusma kruderi fu kiri Yesus

1Di Yesus kba taki ala den sani disi, A taigi den man di ben e teki leri fu En taki: 2“Un sabi taki tra tamara wi o nyan Paska. Dan den o gi a Manpikin fu Libisma abra na ini anu fu trawan fu den spikri En na wan kroisi.”

3A srefi yuru dati, den prenspari priester nanga den fesiman fu a folku ben kon makandra ini a oso fu a granpriester Kayafas. 4Drape den kruderi makandra fa den ben o man kisi Yesus nanga wan triki fu den kan kiri En. 5Ma den taki: “Un no mus grabu En tapu den dei fu a fesa, noso a folku o meki dyugudyugu.”

Wan uma kanti diri oli tapu Yesus ede

6Yesus ben de na Betania, na a oso fu wan man di den ben kari Gwasi Simon. 7Di A ben e nyan, wan uma kon na En nanga wan albast batra di ben furu nanga wan bun diri oli. Dan a kanti a oli tapu a ede fu Yesus. 8Di den man di ben e teki leri fu En si san a uma du, den mandi. Den taki: “Sanede a fermorsu a oli? 9Un ben kan seri en gi furu moni èn prati a moni gi pôtisma.” 10Ma Yesus ben sabi san den taki, dat' meki A taigi den taki: “Sanede un e krutu a uma disi? Na wan bun sani a du gi Mi. 11Pôtisma de ala ten nanga unu, ma Mi no o de ala ten nanga unu. 12Di a kanti a oli tapu Mi skin, a meki Mi skin klari fu beri. 13Fu tru Mi e taigi un taki: Ala sei fu grontapu pe sma sa ferteri a bun nyunsu disi, den sma o memre a uma fu a sani san a du gi Mi.”

Yudas seri Yesus

14Dan wan fu den twarfu man, di ben nen Yudas Iskariot, go na den prenspari priester. 15A aksi den taki: “Omeni un o pai mi efu mi gi Yesus abra na ini un anu?” Dan den gi en dritenti solfrumoni. 16Sensi a ten dati, Yudas bigin luru wan bun okasi fu gi Yesus abra na den.

Mateus 26:1-16STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.19.1
Volg ons