24Den fo meti disi na den moro pikin meti na grontapu,
ma den koni psa marki:
25den mira. Den no tranga,
ma ini dreiten den e bigin kibri nyanyan poti.
26Den dyinipi. Den na meti di no abi furu krakti,
ma den e meki den olo na ini bergi.
27Den sprenka. Den no abi kownu,
ma te den e hari gwe, no wan pusupusu no de.
28Den kamrawenke. Yu kan kisi den nanga anu,
ma yu kan feni den te ini kownu-oso.
29Dri sani de di abi wan moi fasi fu waka,
iya, fo sani de di e waka tumsi moi:
30a lew. A kownu fu ala den meti,
a no e lon gi noti.
31A kakafowru di e kaka en ede te a e waka,
a bokoboko,
nanga wan kownu di hari go na fesi fu en legre.
32Efu yu ben don so fu meki bigi gi yusrefi,
dan yu mus prakseri fosi,
dan yu hori yu mofo.
33Bika efu yu seki a merki,
a o tron botro,
efu yu naki wan sma tapu en noso,
a o brudu,
èn efu yu naki wan sma di ati e bron,
a o tyari feti.
