15A kupari abi tu umapikin: Gi mi, nanga gi mi!
Noti no e sari den dri sani disi,
fo sani de di no noiti e taki: “A nofo.”
16Dati na:
dedekondre, wan uma di no man kisi pikin,
a gron di e swari watra nomonomo,
nanga faya di noiti e taki: “A nofo!”
17A sma di e lafu en p'pa,
èn di no e teki san en m'ma e taigi en,
o dede,
fowru o diki den ai fu en puru,
èn tingifowru o nyan a dedeskin fu en.
18Dri sani de di bigi moro mi ferstan,
fo sani de di mi no man grabu:
19fa aka e frei so hei na loktu,
fa sneki e grati psa tapu bergiston,
fa sipi e psa tapu bigi se,
nanga fa wan man e du feni wan yongu uma.
20Na so wan uma di e huru e du:
a e huru, a e wasi en skin,
dan a e taki: “Mi no du ogri.”
21Dri sani de di e seki grontapu,
iya, fo sani de di grontapu no man tyari srefsrefi:
22wan srafu di e tron kownu,
wan lesiman di abi nofo fu nyan,
23wan uma di masra no lobi en moro,
ma di e feni wan tra masra fu trow,
nanga wan umasrafu di e teki a presi fu a uma di ben de en basi.