Geloof met je hart

₅Moses skrifi fu den sma di e suku fu tron sma di bun ini Gado ai tapu gron fu a wèt taki: “A sma di e du den sani disi, sa feni libi.” ₆Ma fu kon bun ini Gado ai tapu gron fu bribi, a skrifi taki: “No taki na ini yu ati taki: Suma sa go na heimel?” sobun fu meki Kristus saka kon, ₇“noso: Suma sa saka go na ini a olo san no abi gron?” sobun fu puru Kristus mindri den dedewan. ₈Ma a skrifi taki: “A boskopu de krosbei na yu. A de ini yu mofo nanga ini yu ati.” Dati na a boskopu fu a bribi san wi e preiki. ₉Efu yu taki nanga yu mofo taki Yesus na Masra, èn efu yu bribi nanga yu ati dati Gado meki A opo baka na dede, dan Gado o ferlusu yu. ₁₀Bika na te yu bribi nanga yu ati, dan yu e kon bun ini Gado ai. Èn te yu taki dati nanga yu mofo, dan Gado e ferlusu yu. ₁₁A skrifi ini a Santa Buku taki: “Ala sma di e poti den bribi na En tapu, no sa kon na syen.” ₁₂Bika a no e teri efu yu na wan Dyusma noso efu yu a no wan Dyusma. Wi alamala abi a srefi Masra, èn ala sma di e kari En nen, A e blesi bogobogo. ₁₃Bika a skrifi taki: “Masra o ferlusu ala sma di e kari En nen.”