Surinaams Bijbelgenootschap

Vreugde

Bijbeltekst(en)

Paulus gi den bribisma wantu rai

1Mi lobi brada nanga sisa, dat' meki un mus tan hori na Masra tapu a srefi fasi disi. Mi e angri fu si unu. Unu na mi prisiri, èn nanga unu mi e prodo.

2Mi e begi Eodia nanga Sintika fu den agri nanga densrefi, fu di den de wan nanga Masra. 3Iya, mi e aksi yu leki wan mati tapu san mi kan bow, fu yu yepi den tu uma disi. Bika den ben yepi mi ini a strei fu panya a bun nyunsu, makandra nanga Klemens nanga ala den tra sma di ben wroko makandra nanga mi. Den nen fu den sma disi skrifi ini a buku fu libi.

4Un mus prisiri na ini Masra ala ten! Mi e taki en ete wan leisi: Un mus prisiri! 5Meki ala sma sabi a switi maniri fu unu. Masra de krosbei. 6Un no broko un ede nanga no wan sani, ma begi Gado fu ala sani. Aksi En tangitangi san un e winsi, èn taki En tangi tu. 7Dan Gado o gi unu En freide di bigi moro leki san wan libisma kan prakseri. A freide disi o kibri un ati nanga ala un prakseri, fu di un de wan nanga Kristus Yesus.

8Brada nanga sisa, moro fara mi wani taigi unu taki un mus poti un prakseri tapu ala sani san tru, san warti fu lespeki èn san bun ini Gado ai. Un mus prakseri sani san a no sondu, sani san e sori lobi, nanga sani san bun fu arki. Iya, ala sani san bun psa marki èn san warti fu sma prijse en, na den sani dati un mus prakseri. 9Un mus tan du ala sani san mi ben leri unu èn san mi ben taigi unu, sosrefi den sani san un yere mi taki èn san un si mi du. Dan Gado di e gi freide, sa de nanga unu.

Filipi 4:1-9STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.16.20
Volg ons