Gevallen is Babylon

Bijbeltekst(en)

Babilon fadon

1Baka dati mi si wan tra engel e saka kmopo fu heimel. A engel disi ben abi bigi makti, èn a brenki di a ben e brenki, ben e krin heri grontapu. 2Ne a bari nanga tranga sten taki: “A fadon! A bigi foto Babilon fadon! Now a tron wan nesi fu den didibri, nanga wan kibripresi fu ala den takruyeye. A tron wan tanpresi fu tingifowru nanga ala den sortu fowru disi san sma no wani srefsrefi. 3Bika a ben drungu ala den folku nanga a win fu den faya takru lostu fu en. Den kownu fu grontapu ben motyo nanga en, èn den bai nanga seriman fu grontapu ben kon gudu fu di a ben gridi fu abi furu diri sani.”

4Dan mi yere wan tra sten taki kmopo fu heimel taki: “Mi folku, un kmopo na ini Babilon, fu un no teki prati ini den sondu fu en, èn fu un no kisi den strafu fu en. 5Bika den sondu fu en kon so furu tak' den doro te na heimel, èn Gado memre den ogri sani san a du. 6Du nanga en soleki fa a ben du nanga trawan. Den sani san a ben du, yu mus du tu tron moro furu nanga en. Yu mus meki a win san de ini a kan fu en, a win san a ben gi trawan fu dringi, tu tron moro tranga fu ensrefi dringi. 7Na a fasi fa a ben opo ensrefi èn libi bigi, na sowan fasi yu mus pai en baka nanga pina èn sari. Bika a e taki na ini en ati taki: ‘Mi e sidon na tapu a kownusturu e rigeri. Mi no de leki wan uma di masra dede kba, èn mi no o sabi san na row.’ 8Na dat' meki ala den strafu fu en o kon tapu wán dei: siki, sari nanga angriten. A o bron nanga faya, bika Masra Gado di krutu en, abi bigi makti.”

Kon na krin 18:1-8STB16In Bijbellezer openen

Contact

Surinaams Bijbelgenootschap

Henck Arronstraat 39

Paramaribo

Suriname

Telefoon: (+597) 47 43 38 / (+597) 47 85 07

Whatsapp: (+597) 88 46 993

E-mail: info@surinamebiblesoc.org

Download onze app
Surinaams Bijbelgenootschapv.4.16.20
Volg ons