1Gi a tiriman fu a singigrupu fu a tempel. Wan psalm fu David.
2Meki MASRA piki yu te yu de na ini benawtu,
èn meki a Gado fu Yakob kibri yu.
3Meki A langa wan anu gi yu fu a santa presi fu En,
meki A kraka yu fu Sion.
4Meki A memre ala den ofrandi fu yu,
meki a abi prisiri nanga den meti di yu bron gi En leki ofrandi. sela
5Meki A gi yu san yu ati e angri,
èn taki ala den sani di yu prakseri fu du kan waka bun.
6Wi wani prisiri srefsrefi nanga a wini di yu wini,
opo den fraga na loktu, fu gi a Gado fu wi grani.
MASRA sa du ala sani san yu aksi En.
7Now mi sabi taki na MASRA e meki a wan di A salfu wini,
taki A e piki en fu En santa heimel,
taki nanga a krakti fu En A e meki a wini.
8Son sma e bow tapu fetiwagi,
trawan tapu asi,
ma wi e bow tapu MASRA,
a Gado fu unu.
9Den e saka na tapu den kindi,
den e fadon na gron,
ma wi e opo tnapu èn wi e kaka futu.
10MASRA, gi kownu a wini!
Piki unu te wi e bari kari Yu.
